"Манчестер Юнайтед" вакиллари ўтган дам олиш кунлари Испанияда бўлишди. FootballTransfers’га маълум бўлишича, "қизил иблислар" "Барселона" билан ҳужумчи Маркус Рэшфорд масаласини муҳокама қилишган.
Рэшфорд бўйича музокаралар айнан қандай бўлгани номаълум, аммо "Манчестер Юнайтед"да футболчининг қайтиши масаласи муҳокама қилинаётгани тахмин қилинмоқда.
Маркус Рэшфорд "Барселона"да ижарада ўйнамоқда. Каталонияликлар 28 ёшли инглизни 35 миллион еврога сотиб олиш имкониятига эга, аммо клубнинг молиявий муаммолари тўсиқ бўлиши мумкин.
"Барселона" сафида 29 та ўйинда Рэшфорд 8 та гол урди ва шерикларига 11 та голли узатмани амалга оширди.
