Xalqaro og‘ir atletika federasiyasi (IWF) Ijroiya qo‘mitasining navbatdagi yig‘ilishi bo‘lib o‘tdi. Unda Los-Anjeles-2028 yozgi Olimpiya o‘yinlariga yo‘llanma beruvchi lisenzion musobaqalarga mezbon davlatlar aniqlab olindi.
Quvonarlisi, poytaxtimiz Toshkent shahri 2027 yil o‘tkaziladigan jahon lisenzion turnirini o‘tkazish huquqini qo‘lga kiritdi. Bu bo‘lajak Olimpiadaga yo‘llanma beruvchi 5 musobaqadan biri bo‘lib, unda dunyoning eng kuchli atletlari jam bo‘ladi. Bellashuvlar “Olimpiya shaharchasi”da tashkil etilishi kutilmoqda.
