"Manchester Siti" bosh murabbiyi Xosep Gvardiola shanba kungi "Vulverxempton"ga qarshi o‘yin oldidan hujumchi Erlin Xolandning Chempionlar Ligasi umumiy bosqichining 7-turida "Budyo-Glimt"dan uchralgan mag‘lubiyat (1:3) uchun uzr so‘rashi kerak emasligini ta’kidladi.
"U kechirim so‘rashi shart emas. U qo‘lidan kelgan hamma ishni qilishi kerak va u harakat qilmoqda. Jamoa mag‘lub bo‘lsa, bu bitta o‘yinchi tufayli emas. Bu hammaning va har kimning natijasi! Uzr so‘rama. O‘z oldingda kechirim so‘ra va keyingi o‘yinda bor kuchingni ber", - deya Gvardiolaning so‘zlarini keltiradi CityXtra.
"Manchester Siti" - "Vulverxempton" uchrashuvi 24 yanvar, shanba kuni bo‘lib o‘tadi.
