«Real» bosh murabbiyi Alvaro Arbeloa qanot himoyachisi Trent Aleksander-Arnoldga ishonch bildirib, uning jarohatdan so‘ng maydonga qaytishini kutib, asosiy tarkibga kiritishni rejalashtirmoqda. «Qaymoqranglilar» rahbariyati 27 yoshli futbolchini uzoq muddatli variant sifatida ko‘rishda davom etmoqda. Bu haqda AS xabar bermoqda.

Manbaga ko‘ra, ayrim Angliya OAVda himoyachi va murabbiy o‘rtasida suhbat bo‘lgani va Arbeloa Aleksander-Arnoldga unga ishonch yo‘qligini aytgani iddao qilingan haqida xabar mutlaqo haqiqatga mos kelmaydi. Ispan mutaxassisi futbolchi bilan gaplashgan, ammo bu uni to‘liq qo‘llab-quvvatlash maqsadida bo‘lgani ta’kidlanadi.

Aleksander-Arnold o‘tgan yozda «Real»ga o‘tgan. Shu vaqt mobaynida himoyachi barcha musobaqalarda 16 ta o‘yinda ishtirok etib, 3 ta golli uzatma amalga oshirgan. Futbolchining klub bilan amaldagi mehnat shartnomasi 2031 yil yoziga qadar amal qiladi. Transfermarkt portali ma’lumotlariga ko‘ra, uning bozor qiymati €70 mlnni tashkil etadi.