«Реал» бош мураббийи Альваро Арбелоа қанот ҳимоячиси Трент Александер-Арнольдга ишонч билдириб, унинг жароҳатдан сўнг майдонга қайтишини кутиб, асосий таркибга киритишни режалаштирмоқда. «Қаймоқранглилар» раҳбарияти 27 ёшли футболчини узоқ муддатли вариант сифатида кўришда давом этмоқда. Бу ҳақда AS хабар бермоқда.

Манбага кўра, айрим Англия ОАВда ҳимоячи ва мураббий ўртасида суҳбат бўлгани ва Арбелоа Александер-Арнольдга унга ишонч йўқлигини айтгани иддао қилинган ҳақида хабар мутлақо ҳақиқатга мос келмайди. Испан мутахассиси футболчи билан гаплашган, аммо бу уни тўлиқ қўллаб-қувватлаш мақсадида бўлгани таъкидланади.

Александер-Арнольд ўтган ёзда «Реал»га ўтган. Шу вақт мобайнида ҳимоячи барча мусобақаларда 16 та ўйинда иштирок этиб, 3 та голли узатма амалга оширган. Футболчининг клуб билан амалдаги меҳнат шартномаси 2031 йил ёзига қадар амал қилади. Transfermarkt портали маълумотларига кўра, унинг бозор қиймати €70 млнни ташкил этади.