"Inter" milliy chempionatda juda yaxshi holatda. Juma oqshomida Kristian Kivu jamoasi "Piza"ni yirik 6:2 hisobida taslim qildi.
"Inter"ning A Seriyadagi so‘nggi o‘nta natijasiga e’tibor qaratadigan bo‘lsak, "neradzurrilar" bir durang bilan to‘qqizta g‘alabaga erishganini ko‘rish mumkin. Belgilangan davrda faqat "Napoli" "Inter"ga yutqazmagan - o‘yin 2:2 hisobida yakunlangan.
Demak, "Inter" chempionatning so‘nggi o‘n turida 30 imkoniyatdan 28 ochko jamg‘argan. Ikkinchi o‘rindagi "Milan"ni 6 ochko ortda qoldirgan Kivu jamoasi peshqadamlik qilmoqda. "Rossonerilar"da bir zaxira o‘yini bor.
Qish oxirigacha "Inter" A Seriyada "Kremoneze", "Sassuolo", "Yuventus" va "Lechche"ga qarshi bahs olib boradi.
