"Интер" миллий чемпионатда жуда яхши ҳолатда. Жума оқшомида Кристиан Киву жамоаси "Пиза"ни йирик 6:2 ҳисобида таслим қилди.
"Интер"нинг А Сериядаги сўнгги ўнта натижасига эътибор қаратадиган бўлсак, "нерадзуррилар" бир дуранг билан тўққизта ғалабага эришганини кўриш мумкин. Белгиланган даврда фақат "Наполи" "Интер"га ютқазмаган - ўйин 2:2 ҳисобида якунланган.
Демак, "Интер" чемпионатнинг сўнгги ўн турида 30 имкониятдан 28 очко жамғарган. Иккинчи ўриндаги "Милан"ни 6 очко ортда қолдирган Киву жамоаси пешқадамлик қилмоқда. "Россонерилар"да бир захира ўйини бор.
Қиш охиригача "Интер" А Серияда "Кремонезе", "Сассуоло", "Ювентус" ва "Лечче"га қарши баҳс олиб боради.
