"Bavariya" hujumkor yarim himoyachisi Jamal Musiala Angliya Premyer-ligasi klublari e’tiborida bo‘lib turibdi.

Bayern Space nashri tarqatgan xabarga ko‘ra 22 yoshli germaniyalik futbolchining xizmatlariga "Arsenal" va "Chelsi" klublari qiziqish bildirmoqda. Har ikki klub allaqachon norasmiy muzokaralar o‘tkazgan va jarohatdan endigina safga qaytgan futbolchining holatini kuzatishda davom etmoqda.

Ta’kidlanishicha, Musiala "Bavariya" bilan noyob shartnomaga ega bo‘lib, uning maoshi har yili 10 foizga oshadi. Ta’kidlanishicha, unda har bir transfer oynasida kuchga kiradigan tovon puli miqdori ham belgilangan.

Joriy mavsumda Musiala Germaniya chempionatining ikkita o‘yinida ishtirok etdi va bitta golli uzatmani amalga oshirdi.