"Бавария" ҳужумкор ярим ҳимоячиси Жамал Мусиала Англия Премьер-лигаси клублари эътиборида бўлиб турибди.

Bayern Space нашри тарқатган хабарга кўра 22 ёшли германиялик футболчининг хизматларига "Арсенал" ва "Челси" клублари қизиқиш билдирмоқда. Ҳар икки клуб аллақачон норасмий музокаралар ўтказган ва жароҳатдан эндигина сафга қайтган футболчининг ҳолатини кузатишда давом этмоқда.

Таъкидланишича, Мусиала "Бавария" билан ноёб шартномага эга бўлиб, унинг маоши ҳар йили 10 фоизга ошади. Таъкидланишича, унда ҳар бир трансфер ойнасида кучга кирадиган товон пули миқдори ҳам белгиланган.

Жорий мавсумда Мусиала Германия чемпионатининг иккита ўйинида иштирок этди ва битта голли узатмани амалга оширди.