"Milan" va "Roma" klublarining sobiq himoyachisi Kafu Italiya A Seriyasining joriy mavsumidagi chempionlik poygasi haqida fikr bildirdi.

"Roma" va "Milan" chempionlik poygasida ishtirok etishi shubhasiz. Albatta, "Inter" kuchli, ammo "Jallorossi" va "rossoneri" ham turnir jadvalida kuchli to‘rtlikda bormoqda va yuqori maqsadlarni qo‘yishi kerak," - deya Kafuning so‘zlarini keltiradi La Gazzetta dello Sport.

Mutaxassisning fikricha, "Roma" joriy mavsumda chempion bo‘lishga qodir. Uning fikricha, A Seriyada peshqadamlik qilayotgan "Inter" Chempionlar Ligasi pley-off bosqichida yuqori bosqichlarga chiqsa, to‘xtashi mumkin.

Ayni paytda "Inter" 22 o‘yinda 52 ochko to‘plagan holda A Seriya turnir jadvalida peshqadamlik qilmoqda. Undan keyingi o‘rinlarda "Milan" (46), "Napoli" (43) va "Roma" (42) bormoqda. Qayd etish kerakki, "Inter"ning uchta ta’qibchisi bir o‘yin kam o‘tkazgan.