"Милан" ва "Рома" клубларининг собиқ ҳимоячиси Кафу Италия А Сериясининг жорий мавсумидаги чемпионлик пойгаси ҳақида фикр билдирди.
"Рома" ва "Милан" чемпионлик пойгасида иштирок этиши шубҳасиз. Албатта, "Интер" кучли, аммо "Жаллоросси" ва "россонери" ҳам турнир жадвалида кучли тўртликда бормоқда ва юқори мақсадларни қўйиши керак," - дея Кафунинг сўзларини келтиради La Gazzetta dello Sport.
Мутахассиснинг фикрича, "Рома" жорий мавсумда чемпион бўлишга қодир. Унинг фикрича, А Серияда пешқадамлик қилаётган "Интер" Чемпионлар Лигаси плей-офф босқичида юқори босқичларга чиқса, тўхташи мумкин.
Айни пайтда "Интер" 22 ўйинда 52 очко тўплаган ҳолда А Серия турнир жадвалида пешқадамлик қилмоқда. Ундан кейинги ўринларда "Милан" (46), "Наполи" (43) ва "Рома" (42) бормоқда. Қайд этиш керакки, "Интер"нинг учта таъқибчиси бир ўйин кам ўтказган.
