"Chelsi" bosh murabbiyi Liam Rosenyor o‘z ishi haqida gapirdi. 41 yoshli murabbiy oy boshida iste’foga chiqarilgan Enso Mareska o‘rniga "ko‘klar" boshqaruviga kelgandi.

"Muxlislarimiz bizni uyda ham, safarda ham ajoyib tarzda qo‘llab-quvvatlamoqda. Tushunaman, hozir ularda savollar ko‘p. Men hammasini tushunaman va bu normal holat, chunki "Chelsi"da sendan ulkan yutuqlarga erishish talab etiladi. Ko‘rganlarimga asoslanib, ishonch bilan ayta olamanki, vaqt o‘tishi bilan muvaffaqiyat keladi. Mening ishim - o‘yinlarda g‘alaba qozonish va futbolchilarning salohiyatini yuzaga chiqarish. Futbolchilar maksimal darajada o‘yin ko‘rsatishsa, g‘alaba qozonish osonroq bo‘ladi," - dedi Rosenyor Sky Sports bilan suhbatda.

Bugun soat 19:00da "Chelsi"ning Premyer-liga doirasidagi "Kristal Pelas"ga qarshi safar uchrashuvi start oladi.