"Челси" бош мураббийи Лиам Росеньор ўз иши ҳақида гапирди. 41 ёшли мураббий ой бошида истеъфога чиқарилган Энцо Мареска ўрнига "кўклар" бошқарувига келганди.

"Мухлисларимиз бизни уйда ҳам, сафарда ҳам ажойиб тарзда қўллаб-қувватламоқда. Тушунаман, ҳозир уларда саволлар кўп. Мен ҳаммасини тушунаман ва бу нормал ҳолат, чунки "Челси"да сендан улкан ютуқларга эришиш талаб этилади. Кўрганларимга асосланиб, ишонч билан айта оламанки, вақт ўтиши билан муваффақият келади. Менинг ишим - ўйинларда ғалаба қозониш ва футболчиларнинг салоҳиятини юзага чиқариш. Футболчилар максимал даражада ўйин кўрсатишса, ғалаба қозониш осонроқ бўлади," - деди Росеньор Sky Sports билан суҳбатда.

Бугун соат 19:00да "Челси"нинг Премьер-лига доирасидаги "Кристал Пэлас"га қарши сафар учрашуви старт олади.