"Galatasaroy" "Jirona" hujumchisi Yaser Asprilyani ijaraga olganini e’lon qildi.

22 yoshli kolumbiyalik futbolchi bilan kelishuv 2025/26 yilgi mavsum oxirigacha mo‘ljallangan. Futbolchi bu davrda 1,2 million yevro ishlab topadi.

"O‘yinchining shartnomasini bir tomonlama sotib olish varianti klubimizning yozma so‘roviga bog‘liq," - deyiladi "Galatasaroy" bayonotida.

2025/26 yilgi mavsumda Asprilya Kataloniya jamoasi safida 17 ta o‘yinda maydonga tushib, 1 ta gol urdi va 1 ta golli uzatmani amalga oshirdi. U "Jirona" safida jami 50 ta o‘yin o‘tkazib, 4 ta gol urgan va 2 ta golli uzatmani amalga oshirgan.