"Галатасарой" "Жирона" ҳужумчиси Ясер Асприльяни ижарага олганини эълон қилди.

22 ёшли колумбиялик футболчи билан келишув 2025/26 йилги мавсум охиригача мўлжалланган. Футболчи бу даврда 1,2 миллион евро ишлаб топади.

"Ўйинчининг шартномасини бир томонлама сотиб олиш варианти клубимизнинг ёзма сўровига боғлиқ," - дейилади "Галатасарой" баёнотида.

2025/26 йилги мавсумда Асприлья Каталония жамоаси сафида 17 та ўйинда майдонга тушиб, 1 та гол урди ва 1 та голли узатмани амалга оширди. У "Жирона" сафида жами 50 та ўйин ўтказиб, 4 та гол урган ва 2 та голли узатмани амалга оширган.