Fransiyaning "PSJ" klubi bosh murabbiyi Luis Enrike Yevropa Chempionlar Ligasi umumiy bosqichining so‘nggi turi oldidan o‘z fikrlarini bildirib o‘tdi.
"Jamoa o‘yin oldidan so‘nggi mashg‘ulotini o‘tkazdi. Barcha futbolchilarimiz shay holatda. Chempionlar ligasi - eng yaxshi motivasiya. Barcha bo‘lajak o‘yinga maksimal darajada tayyor bo‘ladi," - deya ispaniyalik mutaxassisning so‘zlarini keltiradi UEFA matbuot xizmati.
Umumiy bosqichning 8-turi doirasida Parij grandi o‘z maydonida "Nyukasl"ga qarshi bahs olib boradi. Uchrashuv bugun, 28 yanvar kuni bo‘lib o‘tadi.













