"Manchester Yunayted" sobiq futbolchisi Stiv Bryus "Chelsi" bosh murabbiyi lavozimiga Liam Rosenyorning tayinlanishi borasida o‘z fikrlari bilan o‘rtoqlashdi.
"Unga ozgina hurmat ko‘rsating. "Chelsi"da hammasi o‘ziga xos tarzda kechadi, "Strasburg" esa - ularning farm-klubi. U bu klubni boshqargan. O‘zini yaxshi tomondan ko‘rsatdi. "Xall Siti"da ham o‘zini yaxshi tomondan ko‘rsatdi. Rosenyorga ajoyib imkoniyat berildi. U ko‘pchilik o‘ylaganidan ancha kuchli va u uchun "Chelsi"dek jamoani boshqarish yangilik. Ammo u klub rahbariyatining qo‘g‘irchog‘iga aylanadi, deb o‘ylamayman", - deya Bryusning so‘zlarini keltiradi talkSPORT.
"Chelsi" Liam qo‘l ostida 5 o‘yindan buyon maydonga tushib, 4tasida g‘alaba qozondi. Bugun, 28 yanvar kuni "ko‘klar" Chempionlar ligasi umumiy bosqichining so‘nggi turida "Napoli"ga qarshi bahs olib boradi.













