"Манчестер Юнайтед" собиқ футболчиси Стив Брюс "Челси" бош мураббийи лавозимига Лиам Росеньорнинг тайинланиши борасида ўз фикрлари билан ўртоқлашди.
"Унга озгина ҳурмат кўрсатинг. "Челси"да ҳаммаси ўзига хос тарзда кечади, "Страсбург" эса - уларнинг фарм-клуби. У бу клубни бошқарган. Ўзини яхши томондан кўрсатди. "Халл Сити"да ҳам ўзини яхши томондан кўрсатди. Росеньорга ажойиб имконият берилди. У кўпчилик ўйлаганидан анча кучли ва у учун "Челси"дек жамоани бошқариш янгилик. Аммо у клуб раҳбариятининг қўғирчоғига айланади, деб ўйламайман", - дея Брюснинг сўзларини келтиради talkSPORT.
"Челси" Лиам қўл остида 5 ўйиндан буён майдонга тушиб, 4тасида ғалаба қозонди. Бугун, 28 январь куни "кўклар" Чемпионлар лигаси умумий босқичининг сўнгги турида "Наполи"га қарши баҳс олиб боради.
