Madridning "Real" klubi yarim himoyachisi Federiko Valverde Chempionlar ligasi umumiy bosqichining so‘nggi turidan o‘rin olgan "Benfika"ga (2:4) qarshi o‘yindagi mag‘lubiyat haqidagi fikrlari bilan o‘rtoqlashdi.

Portugaliyadagi muvaffaqiyatsizlik "qaymoqranglilar"ni 1/8 final yo‘llanmasidan mahrum qildi. Alvaro Arbeloa jamoasi fevral oyida pley-off bosqichida o‘ynashi kerak bo‘ladi.

"Biz maydonda sodir bo‘lgan voqea uchun javobgarlikni o‘z zimmamizga olishimiz kerak. O‘zimizni tanqid qilish kerak, boshqalarni ayblamaslik kerak. Futbolchilarning vazifasi - o‘yin davomida o‘zini ko‘rsatish va bugun biz qilishimiz kerak bo‘lgan ishni qilmadik. Yaxshilanishda davom etish kerak", - deya Valverdening so‘zlarini keltiradi Madrid Xtra.

"Real" ochkolarini 15taga yetkazib, 9-o‘rinni egalladi.