Fransiyalik tayanch yarim himoyachisi N’Golo Kante Yevropaga qaytishi mumkin. Hozirda 34 yoshli futbolchi Saudiya Arabistoni chempionatida “Al-Ittihod” safida to‘p surmoqda.
Sports Digitale ma’lumotlariga ko‘ra, tajribali fransuzga Istanbulning “Fenerbaxche” klubi qiziqish bildirmoqda. Turkiya grandi Kante transferi uchun 4 million yevro ajratishga tayyor.
Yarim himoyachining Saudiya klubi bilan amaldagi shartnomasi kelasi yozda yakuniga yetadi. Joriy mavsumda Kante Saudiya Arabistoni chempionatida 18 ta o‘yinda maydonga tushib, 2 ta gol va 1 ta golli uzatma muallifi bo‘ldi.
