Madridning "Real" klubi hujumchisi Vinisius Junior yarim himoyachi Lukas Paketani "Flamengo"ga qaytgani bilan tabrikladi.
Braziliya klubi 28 yoshli futbolchini juma kuni Angliyaning "Vest Xem" klubidan sotib olganini e’lon qildi. Transfer qiymati 42 mln yevroni tashkil etdi.
"Juda xursandman, aka! Seni sevaman. Bizga g‘alaba olib kel", - deya murojaat qildi Vinisius ijtimoiy tarmoqdagi sahifasida vatandoshiga.
Eslatib o‘tamiz, "Real"ning amaldagi forvardi faoliyatini "Flamengo"da Lukas Paketa bilan boshlagan edi. Paketa 2022 yildan beri "Vest Xem" sharafini himoya qilgan va avvalroq "Lion" va "Milan"da o‘ynagan.













