Мадриднинг "Реал" клуби ҳужумчиси Винисиус Жуниор ярим ҳимоячи Лукас Пакетани "Фламенго"га қайтгани билан табриклади.
Бразилия клуби 28 ёшли футболчини жума куни Англиянинг "Вест Хэм" клубидан сотиб олганини эълон қилди. Трансфер қиймати 42 млн еврони ташкил этди.
"Жуда хурсандман, ака! Сени севаман. Бизга ғалаба олиб кел", - дея мурожаат қилди Винисиус ижтимоий тармоқдаги саҳифасида ватандошига.
Эслатиб ўтамиз, "Реал"нинг амалдаги форварди фаолиятини "Фламенго"да Лукас Пакета билан бошлаган эди. Пакета 2022 йилдан бери "Вест Хэм" шарафини ҳимоя қилган ва аввалроқ "Лион" ва "Милан"да ўйнаган.













