Madridning «Real» klubi va Germaniya terma jamoasining mashhur sobiq futbolchisi Toni Kroos «Inter»ni joriy mavsumda Chempionlar ligasida g‘olib bo‘lmasligini aytdi.
«Neradzurrilar» umumiy bosqichni 10-o‘rinda yakunlab, Chempionlar ligasida to‘g‘ridan-to‘g‘ri 1/8 finalga chiqa olmadi. O‘tish bosqichida Kristian Kivu shogirdlari Norvegiyaning «Budyo-Glimt» jamoasiga qarshi bahs olib boradi.
«Inter» 1/8 finalga chiqadi, ammo bu mavsum Chempionlar ligasini yuta olmaydi», — deya Kroosning so‘zlarini keltiradi Italiya OAVlari.
«Inter» va «Budyo-Glimt» o‘rtasidagi uchrashuvlar 18 va 24 fevral kunlari bo‘lib o‘tadi. O‘tgan mavsumda Seriya A grandi finalgacha yetib borib, u yerda «PSJ»ga yirik hisobda mag‘lub bo‘lgan (0:5).
