Madridning «Real» klubi yozgi transfer oynasida bir nechta futbolchini sotib olishni rejalashtirmoqda.

Diario AS xabariga ko‘ra, "qaymoqranglilar" avvalo himoya chizig‘ini kuchaytirishni maqsad qilgan. Klub yozda kamida bitta yoki ikkita markaziy himoyachini tarkibga qo‘shib olmoqchi. Shuningdek, markaziy yarim himoyachi transferi ham rejada bor.

Ayni paytda «Real» Ispaniya chempionati jadvalida 21 turdan keyin 51 ochko bilan ikkinchi o‘rinni egallab turibdi. Madridliklar peshqadam «Barselona»dan 4 ochko ortda qolmoqda, biroq zaxirada o‘yini bor. Bugun, 1 fevral kuni, «Real» o‘z maydonida «Rayo Valyekano»ni qabul qiladi.