Мадриднинг «Реал» клуби ёзги трансфер ойнасида бир нечта футболчини сотиб олишни режалаштирмоқда.

Diario AS хабарига кўра, "қаймоқранглилар" аввало ҳимоя чизиғини кучайтиришни мақсад қилган. Клуб ёзда камида битта ёки иккита марказий ҳимоячини таркибга қўшиб олмоқчи. Шунингдек, марказий ярим ҳимоячи трансфери ҳам режада бор.

Айни пайтда «Реал» Испания чемпионати жадвалида 21 турдан кейин 51 очко билан иккинчи ўринни эгаллаб турибди. Мадридликлар пешқадам «Барселона»дан 4 очко ортда қолмоқда, бироқ захирада ўйини бор. Бугун, 1 февраль куни, «Реал» ўз майдонида «Райо Вальекано»ни қабул қилади.