"Manchester Yunayted" hujumchisi Markus Reshford klubga qaytmoqchi emas, chunki uning muvaffaqiyatiga ishonmayapti. 28 yoshli futbolchi "Barselona"ga doimiy o‘tishni talab qilmoqda. Reshfordning fikricha, uning Kataloniyada sovrin yutish imkoniyati "Manchester Yunayted"ga qaraganda ancha yuqori. Bu haqda The Touchline X ijtimoiy tarmog‘ida xabar berdi.

Reshford yakuniy qarorni "Barselona" foydasiga qabul qildi va aynan o‘sha yerda o‘z salohiyatini ro‘yobga chiqarishiga ishonishini ta’kidladi. Hujumchi, shuningdek, "Barselona" bosh murabbiyi Xans-Diter Flik bilan ishonchli munosabatlar o‘rnatgan va u futbolchining keyingi darajaga chiqishiga yordam bera olishiga ishonmoqda.

Reshfordning "Barselona"dagi ijarasi shu yozda yakunlanadi, ammo klub uni saqlab qolish uchun barcha imkoniyatlarni ko‘rib chiqmoqda. Joriy mavsumda futbolchi kataloniyaliklar safida 32 ta o‘yinda maydonga tushib, 10 ta gol urdi va 12 ta golli uzatmani amalga oshirdi. Transfermarkt ma’lumotlariga ko‘ra, uning transfer narxi 40 mln yevroni tashkil etadi.