«Manchester Yunayted» himoyachisi Tayrell Malasia klub sport direktori Jeyson Uilkoksning harakatlaridan norozi. Bu haqda The Mirror xabar bermoqda.
Manbaga ko‘ra, aynan Uilkoks 26 yoshli niderlandiyalik futbolchining qishki transfer oynasida jamoani tark etishiga to‘sqinlik qilgan. talkSPORT ma’lumoticha, so‘nggi kuni Malasia Turkiyaga parvoz qilish uchun samolyotga chiqishga bir necha daqiqa qolgan edi — u yerda «Beshiktosh»ga o‘tishi kerak bo‘lgan. Ammo Uilkoks aralashib, transferni to‘xtatgan va himoyachiga «Manchester Yunayted»da qolishni buyurgan.
Joriy mavsumda Malasia APLda faqat bir o‘yinda maydonga tushgan — u ham bo‘lsa ikki daqiqaga. Futbolchining klub bilan shartnomasi kelasi yozda yakunlanadi.
