«Манчестер Юнайтед» ҳимоячиси Тайрелл Маласиа клуб спорт директори Жейсон Уилкокснинг ҳаракатларидан норози. Бу ҳақда The Mirror хабар бермоқда.
Манбага кўра, айнан Уилкокс 26 ёшли нидерландиялик футболчининг қишки трансфер ойнасида жамоани тарк этишига тўсқинлик қилган. talkSPORT маълумотича, сўнгги куни Маласиа Туркияга парвоз қилиш учун самолётга чиқишга бир неча дақиқа қолган эди — у ерда «Бешиктош»га ўтиши керак бўлган. Аммо Уилкокс аралашиб, трансферни тўхтатган ва ҳимоячига «Манчестер Юнайтед»да қолишни буюрган.
Жорий мавсумда Маласиа АПЛда фақат бир ўйинда майдонга тушган — у ҳам бўлса икки дақиқага. Футболчининг клуб билан шартномаси келаси ёзда якунланади.
