"Inter" muxlislari jamoaning keyingi uchta safar o‘yiniga chipta sotib olish huquqidan mahrum etildi. Bu haqda La Gazzetta dello Sport nashri xabar bermoqda.
Klub ushbu jazoga muxlislardan biri "Kremoneze" darvozaboni Emil Auderoga qarata petarda otgani uchun loyiq ko‘rildi. Baxtli tasodif tufayli posbon jiddiy jarohat olmadi va o‘yinni davom ettira oldi.
23 martgacha amal qiluvchi ushbu taqiq "Sassuolo", "Lechche" va "Fiorentina"ga qarshi bahslarga taalluqlidir. Biroq, 8 mart kuni "San-Siro"da bo‘lib o‘tadigan "Milan"ga qarshi derbiga bu cheklov ta’sir qilmaydi (garchi bu o‘yinda "Inter" mehmon maqomida bo‘lsa ham).
Hozirda Kristian Kivu shogirdlari 23 o‘yindan so‘ng 55 ochko bilan turnir jadvalida peshqadamlik qilmoqda. "Milan" 50 ochko, "Napoli" esa 46 ochko jamg‘argan.













