Angliyaning "Manchester Siti" klubi bosh murabbiyi Xosep Gvardiola Angliya liga kubogi finalida "Arsenal"ga qarshi o‘yinda jamoaga yangi kelgan himoyachi Mark Gexining Manchester jamoasi safida maydonga tushmasligini belgilovchi qoidadan norozi bo‘ldi.
"Umid qilamanki, Liga Kubogi tashkilotchilarini Mark Gexi finalda o‘ynay olishiga ishontira olamiz, chunki buni tushunish qiyin. Klub bitta futbolchi uchun katta mablag‘ sarfladi. Biz unga maosh to‘laymiz, chunki u bizniki va men uning nima uchun finalda o‘ynay olmasligini tushunmayman. Umid qilamanki, ular buni o‘zgartira olishadi. Biz bu masalani hal qilishda yordam berishlari uchun tashkilotga xat yozamiz", - deya Gvardiolaning so‘zlarini keltiradi TNT Sports.
Angliya futbol ligasining 6.4-qoidasiga ko‘ra, ro‘yxatdan o‘tgan o‘yinchiga qishki transfer oynasi yopilgunga qadar yoki yarim finalning birinchi o‘yiniga qadar birinchi klubi yoki ijaraga olingan klubi uchun musobaqada qatnashgan bo‘lsa, bir mavsumda ikkitadan ko‘p bo‘lmagan klublar uchun ushbu musobaqada qatnashishga ruxsat beriladi.
Avvalroq Gexi joriy mavsumda "Kristal Pelas" safida Angliya Liga kubogida ishtirok etgan va 2026 yilning 19 yanvarida "shaharliklar" safiga o‘tgandi.
