Англиянинг "Манчестер Сити" клуби бош мураббийи Хосеп Гвардиола Англия лига кубоги финалида "Арсенал"га қарши ўйинда жамоага янги келган ҳимоячи Марк Гехининг Манчестер жамоаси сафида майдонга тушмаслигини белгиловчи қоидадан норози бўлди.
"Умид қиламанки, Лига Кубоги ташкилотчиларини Марк Гехи финалда ўйнай олишига ишонтира оламиз, чунки буни тушуниш қийин. Клуб битта футболчи учун катта маблағ сарфлади. Биз унга маош тўлаймиз, чунки у бизники ва мен унинг нима учун финалда ўйнай олмаслигини тушунмайман. Умид қиламанки, улар буни ўзгартира олишади. Биз бу масалани ҳал қилишда ёрдам беришлари учун ташкилотга хат ёзамиз", - дея Гвардиоланинг сўзларини келтиради TNT Sports.
Англия футбол лигасининг 6.4-қоидасига кўра, рўйхатдан ўтган ўйинчига қишки трансфер ойнаси ёпилгунга қадар ёки ярим финалнинг биринчи ўйинига қадар биринчи клуби ёки ижарага олинган клуби учун мусобақада қатнашган бўлса, бир мавсумда иккитадан кўп бўлмаган клублар учун ушбу мусобақада қатнашишга рухсат берилади.
Аввалроқ Гехи жорий мавсумда "Кристал Пэлас" сафида Англия Лига кубогида иштирок этган ва 2026 йилнинг 19 январида "шаҳарликлар" сафига ўтганди.
