Madridning «Real» klubida o‘ng qanot himoyachisi Trent Aleksander-Arnoldning jarohatdan forig‘ bo‘lib, safga qaytishini intizorlik bilan kutishmoqda.

27 yoshli futbolchi son qismidagi muammolar tufayli dekabr oyi boshidan beri maydonga tushmayapti. Marca nashri tarqatgan ma’lumotlarga ko‘ra, «qaymoqranglilar» bosh murabbiyi Alvaro Arbeloa ingliz futbolchisiga katta umidlar bog‘lamoqda: murabbiyning asosiy maqsadlaridan biri — Trent sog‘ayganidan so‘ng, mavsumning qolgan qismida uning iqtidoridan maksimal darajada foydalanishdir.

Trent Aleksandr-Arnold o‘tgan yilning iyun oyida «Liverpul»dan «Real»ga ko‘chib o‘tgan edi. «Qizillar» tarbiyalanuvchisi joriy mavsumda Madrid grandi libosida 11 ta o‘yinda maydonga tushib, o‘z hisobiga bitta golli uzatmani yozdirib qo‘ydi.