Мадриднинг «Реал» клубида ўнг қанот ҳимоячиси Трент Александер-Арнольднинг жароҳатдан фориғ бўлиб, сафга қайтишини интизорлик билан кутишмоқда.

27 ёшли футболчи сон қисмидаги муаммолар туфайли декабрь ойи бошидан бери майдонга тушмаяпти. Marca нашри тарқатган маълумотларга кўра, «қаймоқранглилар» бош мураббийи Альваро Арбелоа инглиз футболчисига катта умидлар боғламоқда: мураббийнинг асосий мақсадларидан бири — Трент соғайганидан сўнг, мавсумнинг қолган қисмида унинг иқтидоридан максимал даражада фойдаланишдир.

Трент Александр-Арнольд ўтган йилнинг июнь ойида «Ливерпуль»дан «Реал»га кўчиб ўтган эди. «Қизиллар» тарбияланувчиси жорий мавсумда Мадрид гранди либосида 11 та ўйинда майдонга тушиб, ўз ҳисобига битта голли узатмани ёздириб қўйди.