«Barselona» yarim himoyachisi Frenki de Yong joriy mavsumda sermahsullik borasida shaxsiy rekordini yangilashga juda yaqin turibdi. 28 yoshli niderlandiyalik futbolchi joriy mavsumning 28 ta o‘yinida raqib darvozasi oldida 11 ta xavfli vaziyat (big chances) yaratdi.
Taqqoslash uchun, Frenkining «Barsa»dagi eng yaxshi ko‘rsatkichi 2020/21 yilgi mavsumga to‘g‘ri keladi. O‘shanda u 51 ta bahsda 12 ta imkoniyat yaratgan edi. Ko‘rinib turibdiki, de Yongga o‘z rekordini takrorlash uchun bor-yo‘g‘i bitta vaziyat yetishmayapti.
