Madridning «Atletiko» klubi «Betis»ga qarshi kechadigan kubok bahsi oldidan tarkibda yo‘qotishga uchradi. Bu haqda AS nashri xabar bermoqda.

Tayanch va markaziy yarim himoya chizig‘ida harakat qiluvchi Jonni Kardozo mushaklaridagi jarohat sababli 5 fevral kuni Sevilyada bo‘lib o‘tadigan o‘yinga bormaydigan bo‘ldi. Avvalroq Antuan Grizmann ham aynan shunday tashxis bilan madridliklarning 3 ta o‘yinini o‘tkazib yuborgan edi.

Bu Kardozo uchun joriy mavsumdagi birinchi jarohat emas. Ushbu muammo futbolchining eng barqaror o‘yin ko‘rsatayotgan davriga — ketma-ket 8 ta uchrashuvda ishtirok etganidan keyingi paytga to‘g‘ri keldi. 25 yoshli amerikalik futbolchi mavsum davomida jami 14 ta o‘yinda maydonga tushib, 3 ta sariq kartochka olishga ulgurgan edi.