"Barselona"ning braziliyalik vingeri Rafinya bugun jamoaning umumiy mashg‘ulotlarida ishtirok etmadi. Bu haqda klubga yaqin manbalar xabar bermoqda.

Ma’lumotlarga ko‘ra, futbolchining jarohati unga La Liga doirasidagi «Malyorka»ga qarshi bahsda (7 fevral, 20:15) maydonga tushish imkonini bermaydi. Murabbiylar shtabi Rafinyaning salomatligini xavf ostiga qo‘ymoqchi emas.

Ayni damda futbolchi individual tarzda tiklanish jarayonini davom ettirmoqda. Uning maydonga qaytishi Ispaniya Kubogi yarim finalining dastlabki uchrashuviga (11 fevral) mo‘ljallanmoqda. Tibbiy shtab futbolchini aynan kubok bahsigacha to‘liq sog‘lom holatga keltirish ustida ishlamoqda.