"Барселона"нинг бразилиялик вингери Рафинья бугун жамоанинг умумий машғулотларида иштирок этмади. Бу ҳақда клубга яқин манбалар хабар бермоқда.
Маълумотларга кўра, футболчининг жароҳати унга Ла Лига доирасидаги «Мальорка»га қарши баҳсда (7 февраль, 20:15) майдонга тушиш имконини бермайди. Мураббийлар штаби Рафиньянинг саломатлигини хавф остига қўймоқчи эмас.
Айни дамда футболчи индивидуал тарзда тикланиш жараёнини давом эттирмоқда. Унинг майдонга қайтиши Испания Кубоги ярим финалининг дастлабки учрашувига (11 февраль) мўлжалланмоқда. Тиббий штаб футболчини айнан кубок баҳсигача тўлиқ соғлом ҳолатга келтириш устида ишламоқда.
