Milanning «Inter» klubi yarim himoyachisi Davide Frattezi ko‘plab mish-mishlarga qaramay jamoada qoldi.
26 yoshli futbolchi Kristian Kivu jamoasidagi kam o‘yin amaliyotidan norozi, shu sababli qishda muhitni o‘zgartirish haqida jiddiy o‘ylab ko‘rgan edi. Xavbekka ham mahalliy, ham xorijiy klublar qiziqish bildirayotgan edi, asosiy da’vogar sifatida esa Angliyaning «Nottingem Forest» klubi ko‘rilgandi. «La Gazzetta dello Sport» nashrining ma’lumotlariga ko‘ra, italiyalik futbolchi «o‘rmonchilar» lageriga o‘tishni istamagan, chunki jamoa Premyer-ligada jon saqlab qolish uchun kurashmoqda. Bundan tashqari, potensial xaridorlar «neradzurrilar»ning talablariga yaqinlasha olishmadi: milanliklar futbolchining to‘liq transferini istashdi va 30 mln yevro talab qilishdi.
Davide Frattezining «Inter» bilan shartnomasi 2028 yilgacha mo‘ljallangan. Transfermarkt ekspertlari o‘yinchining narxini 28 mln yevroga baholamoqda.
