Миланнинг «Интер» клуби ярим ҳимоячиси Давиде Фраттези кўплаб миш-мишларга қарамай жамоада қолди.

26 ёшли футболчи Кристиан Киву жамоасидаги кам ўйин амалиётидан норози, шу сабабли қишда муҳитни ўзгартириш ҳақида жиддий ўйлаб кўрган эди. Хавбекка ҳам маҳаллий, ҳам хорижий клублар қизиқиш билдираётган эди, асосий даъвогар сифатида эса Англиянинг «Ноттингем Форест» клуби кўрилганди. «La Gazzetta dello Sport» нашрининг маълумотларига кўра, италиялик футболчи «ўрмончилар» лагерига ўтишни истамаган, чунки жамоа Премьер-лигада жон сақлаб қолиш учун курашмоқда. Бундан ташқари, потенциал харидорлар «нерадзуррилар»нинг талабларига яқинлаша олишмади: миланликлар футболчининг тўлиқ трансферини исташди ва 30 млн евро талаб қилишди.

Давиде Фраттезининг «Интер» билан шартномаси 2028 йилгача мўлжалланган. Transfermarkt экспертлари ўйинчининг нархини 28 млн еврога баҳоламоқда.