"Manchester Siti" bosh murabbiyi Xosep Gvardiola o‘zining kelajagi haqidagi savolga javob berdi. Gvardiolaning amaldagi shartnomasi 2027 yilning o‘rtalariga qadar mo‘ljallangan. Avvalroq, Xosep shu yozdayoq klubni tark etishi mumkinligi haqida mish-mishlar tarqalgan edi.
— Klub rahbariyati ushbu mavsum yakunida nima qilishingizdan xabardormi?
— Yo‘q, chunki shartnomam bo‘yicha yana bir yil bor. Men bunday savolga ikki oy oldin javob bergan edim, — dedi Gvardiola matbuot anjumanida.
Xosep Gvardiola 2016 yilning yozidan beri "Manchester Siti"ni boshqarib kelmoqda. "Shaharliklar" navbatdagi o‘yinini 8 fevral kuni safarda "Liverpul"ga qarshi o‘tkazadi.
