"Liverpul" bosh murabbiyi Arne Slot chiroyli futbol u uchun sovrinlardan ko‘ra muhimroq ekanligini ta’kidladi. "Manchester Siti" ustozi Xosep Gvardiola hamkasbining bu fikriga o‘z munosabatini bildirdi.
"Agar murabbiy bo‘lib ishlashni istasang, doim sovrinlar yutish yaxshiroq. Har doim ham chiroyli o‘yin ko‘rsatish imkoniyati bo‘lavermaydi. Menimcha, hamma narsa bir-biriga bog‘liq: qachonki g‘alaba qozonsang, demak, deyarli har doim yaxshi futbol ko‘rsatayotgan bo‘lasan. Sen futbolchilaring o‘zlariga eng mos keladigan tarzda, ya’ni sening qalbing ishonib turgan uslubda g‘alaba qozonishlarini istaysan. Haqiqatan ham bu eng muhim narsa deb hisoblayman", — dedi Gvardiola matbuot anjumanida.
"Liverpul" va "Manchester Siti" yakshanba kuni, 8 fevral kuni Premyer-liga doirasida o‘zaro to‘qnash kelishadi.
