«Ливерпуль» бош мураббийи Арне Слот устуворликлар борасидаги фикрлари билан ҳаммани ҳайрон қолдирди. Нидерландиялик мутахассиснинг фикрича, «қизиллар» бошқарувида у учун совринлар ютишдан кўра, чиройли футбол намойиш этиш муҳимроқ.
«Мураббий сифатида сиз чемпионатда, Чемпионлар лигасида, Англия кубоги ёки Лига кубогида зафар қучишингиз мумкин, аммо сиз қўлга киритишингиз мумкин бўлган энг катта ғалаба — бу жамоангизнинг кўриш учун энг ёқимли бўлган футбол ўйнашидир. Гарчи ҳозирда мухлислар бу борада мен билан баҳслашишлари мумкин бўлса-да, мен айнан шунга интиламан», — деди Слот Reds Roundtable подкастида.
Эслатиб ўтамиз, ўтган мавсумда Арне Слот қўл остида «Ливерпуль» Премьер-лига чемпионлигини қўлга киритган эди. Ҳозирда «қизиллар» турнир жадвалида олтинчи ўринни эгаллаб туришибди.
