"Ливерпуль" бош мураббийи Арне Слот чиройли футбол у учун совринлардан кўра муҳимроқ эканлигини таъкидлади. "Манчестер Сити" устози Хосеп Гвардиола ҳамкасбининг бу фикрига ўз муносабатини билдирди.
"Агар мураббий бўлиб ишлашни истасанг, доим совринлар ютиш яхшироқ. Ҳар доим ҳам чиройли ўйин кўрсатиш имконияти бўлавермайди. Менимча, ҳамма нарса бир-бирига боғлиқ: қачонки ғалаба қозонсанг, демак, деярли ҳар доим яхши футбол кўрсатаётган бўласан. Сен футболчиларинг ўзларига энг мос келадиган тарзда, яъни сенинг қалбинг ишониб турган услубда ғалаба қозонишларини истайсан. Ҳақиқатан ҳам бу энг муҳим нарса деб ҳисоблайман", — деди Гвардиола матбуот анжуманида.
"Ливерпуль" ва "Манчестер Сити" якшанба куни, 8 февраль куни Премьер-лига доирасида ўзаро тўқнаш келишади.
