«Malyorka» hujumchisi Vedat Muriki «Barselona» forvardi Robert Levandovski bilan solishtirilishiga yumor bilan munosabat bildirdi.
7 fevral kuni jamoalar La Liganing 23-turi doirasida «Kamp Nou»da o‘zaro to‘qnash kelishadi. Kataloniyaliklar ijtimoiy tarmoqdagi «X» sahifasida 37 yoshli polyakning suratini joylashtirib, uni: «Levandovski Murikiga qarshi», — deya izohlashdi.
«Leva bilan raqobatlasha oladigan hujumchilar kam. Va men ulardan biri emasman, lekin rahmat», — deb yozdi Kosovo terma jamoasining 31 yoshli futbolchisi.
