«Manchester Siti» markaziy himoyachisi Mark Gexi Premyer-liga doirasida «Liverpul»ga qarshi bo‘lib o‘tadigan o‘yin borasidagi kutilmalari bilan o‘rtoqlashdi.
Uchrashuv shu yakshanba kuni «Enfild» stadionida bo‘lib o‘tadi. Ma’lumki, o‘tgan yozda Gexi «qizillar» safiga o‘tishiga bir bahya qolgan edi — transfer so‘nggi pallada barbod bo‘lgan. Yanvar oyida esa ingliz futbolchisi «Kristal Pelas»ni tark etdi, biroq bu safar «shaharliklar» tarkibiga borib qo‘shildi.
"Bu [transfer bilan bog‘liq vaziyat] menga bog‘liq emas edi — Xudoning o‘z rejalari bor ekan. Hammasi aynan shunday sodir bo‘ldi va men juda kuchli raqib bo‘lmish «Liverpul»ga qarshi o‘yinni intizorlik bilan kutyapman. Stadionda ajoyib atmosfera bo‘ladi. Jamoam g‘alaba qozonishi uchun bor kuchimni ishga solishga harakat qilaman", — dedi Gexi «Sky Sports»ga bergan intervyusida.
