"Real" yozda erkin agentga aylanadigan "Liverpul" markaziy himoyachisi Ibrohim Konataga yana qiziqish bildira boshladi.
Jurnalist Matteo Moretto Marca efirida ma’lum qilishicha, "Madrid" mavsumlar oralig‘ida bir nechta himoyachi bilan shartnoma imzolamoqchi, chunki Antonio Ryudiger va David Alaba katta ehtimol bilan shartnoma muddati tugaganidan keyin klubni tark etishadi. Nemisning jamoada qolish imkoniyati bor, ammo bu uning formasiga bog‘liq bo‘ladi.
"Qaymoqranglilar" Konatega qiziqish bildirayotgandi, ammo maosh talabi va uning o‘yin darajasi jiddiy to‘siq bo‘layotgandi. Endi "Real" yana Fransiya terma jamoasi futbolchisining holati bilan qiziqib qoldi va u yozda himoyani kuchaytirish variantlaridan biri bo‘ladi.
