"Chelsi" yarimhimoyachisi Enso Fernandes klub afsonasi Frenk Lempard haqida fikr bildirdi.

Mashhur ingliz yarimhimoyachi sifatida o‘ynagan bo‘lsa-da, "ko‘klar" tarixidagi eng yaxshi to‘purar bo‘lib qolmoqda.

"Lempard - ilhom manbai. "Chelsi"ga kelganimdan beri u bilan tushgan ko‘plab videolarni ko‘rdim. U jarima maydoniga ichkaridan juda yaxshi yorib kirardi. Frenk - klub afsonasi, u ajoyib o‘yinchi edi, lekin meni u bilan solishtirishlarini yoqtirmayman, chunki u bu yerda ko‘proq narsaga erishdi. Men uni o‘zimning kumirim deb bilaman, men ham shunday yo‘lni bosib o‘tishni istardim", - dedi Enso Fernandes Sky Sports bilan suhbatda.

Argentinalik futbolchi 2023 yil boshidan buyon "Chelsi" sharafini himoya qilib kelmoqda.