"Челси" яримҳимоячиси Энцо Фернандес клуб афсонаси Фрэнк Лэмпард ҳақида фикр билдирди.
Машҳур инглиз яримҳимоячи сифатида ўйнаган бўлса-да, "кўклар" тарихидаги энг яхши тўпурар бўлиб қолмоқда.
"Лэмпард - илҳом манбаи. "Челси"га келганимдан бери у билан тушган кўплаб видеоларни кўрдим. У жарима майдонига ичкаридан жуда яхши ёриб кирарди. Фрэнк - клуб афсонаси, у ажойиб ўйинчи эди, лекин мени у билан солиштиришларини ёқтирмайман, чунки у бу ерда кўпроқ нарсага эришди. Мен уни ўзимнинг кумирим деб биламан, мен ҳам шундай йўлни босиб ўтишни истардим", - деди Энцо Фернандес Sky Sports билан суҳбатда.
Аргентиналик футболчи 2023 йил бошидан буён "Челси" шарафини ҳимоя қилиб келмоқда.
