"Manchester Yunayted" bosh murabbiyi Maykl Kerrik Patrik Dorguning holati haqida ma’lumot berdi.

21 yoshli qanot futbolchisi tizza osti payidan olgan jarohati tufayli "Fulxem" bilan avvalgi o‘yinni o‘tkazib yubordi. "Qizil iblislar" ustozining so‘zlariga ko‘ra, daniyalikning yaqin orada qaytishini kutish kerak emas.

"Uning tiklanishi biroz vaqt olishi aniq - gap ancha uzoq muddat haqida ketmoqda. Hozir aniq bir narsa deyish qiyin, ammo u yaqin ikki-uch hafta ichida qaytib kelmaydi", - dedi Kerrik matbuot anjumanida.

Bugun Toshkent vaqti bilan soat 17:30da "MYU"ning "Tottenxem"ga qarshi uy uchrashuvi start oladi.