"Манчестер Юнайтед" бош мураббийи Майкл Кэррик Патрик Доргунинг ҳолати ҳақида маълумот берди.
21 ёшли қанот футболчиси тизза ости пайидан олган жароҳати туфайли "Фулхэм" билан аввалги ўйинни ўтказиб юборди. "Қизил иблислар" устозининг сўзларига кўра, данияликнинг яқин орада қайтишини кутиш керак эмас.
"Унинг тикланиши бироз вақт олиши аниқ - гап анча узоқ муддат ҳақида кетмоқда. Ҳозир аниқ бир нарса дейиш қийин, аммо у яқин икки-уч ҳафта ичида қайтиб келмайди", - деди Кэррик матбуот анжуманида.
Бугун Тошкент вақти билан соат 17:30да "МЮ"нинг "Тоттенхэм"га қарши уй учрашуви старт олади.
